Owais Razvi Qadri Siddiqui
Sufi Singer

ہے آیتِ رفعت ورفعنا لک ذکرک

185

ہے آیتِ رفعت ورفعنا لک ذکرک

یا رایتِ شہرت ورفعنا لک ذکرک

اللہ نے بخشا ہے حبیب اپنے نبی کو

کیا خلعت و شوکت ورفعنا لک ذکرک

وہ صاحبِ لولاک نبی ختم رسل کی

ہے نوبت و دولت ورفعنا لک ذکرک

منشورِ رسالت پہ شہنشاہِ امم کی

طغرا ہے یہ آیت ورفعنا لک ذکرک

اللہ کے محبوب نے کس دھوم سے پایا

یہ منصب و عزت ورفعنا لک ذکرک

ہے شمع فروز بشر جن و ملائک

تا روزِ قیامت ورفعنا لک ذکرک

ہے رایت جاں قوت رواں اہل ولا کو

گل بانگِ بشارت ورفعنا لک ذکرک

اُس صاحب شمشیر و علم تاجِ لوا کا

ہے نغمۂ رایت ورفعنا لک ذکرک

کہتے ہیں ملائک وہ محمد ﷺ ہے محمد ﷺ

ہے جن کی تلاوت ورفعنا لک ذکرک

کیوں کر نہ کروں نامِ محمد ﷺ کا وظیفہ

ہے گرم اشارت ورفعنا لک ذکرک

وہ ذاکر مداح نبی واسطے تیرے

کافیؔ ہے یہ حجت ورفعنا لک ذکرک

انتخاب و پیش کش : مشاہدرضوی

شہید وطن مداحِ نبی حضرت مفتی کفایت علی کافی مرادآبادی نور اللہ مرقدہٗ کی ایک بہترین

Comments
Loading...