Owais Razvi Qadri Siddiqui
Sufi Singer

یا رب میری سوئی ہوئی تقدیر جگا دے

290

یا رب میری سوئی ہوئی تقدیر جگا دے

آنکھیں مُجھے دی ہیں تو مدینہ بھی دکھا دے

سُننے کی جو قوت مُجھے بخشی ہے خُدا وند

پھر مسجدِ نبویﷺکی اذانیں بھی سُنا دے

آنکھیں مُجھے دی ہیں تو مدینہ بھی دکھا دے

یا رب میری سوئی ہوئی تقدیر جگا دے

حوروں کی نہ غلماں کی نہ جنت کی طلب ہے

مدفن میرا سرکار کی بستی میں بنا دے

آنکھیں مُجھے دی ہیں تو مدینہ بھی دکھا دے

یا رب میری سوئی ہوئی تقدیر جگا دے

مُدت سے میں ان ہاتھوں سے کرتا ہوں دعائیں

ان ہاتھوں میں اب جالی سُنہری وہ تھما دے

آنکھیں مُجھے دی ہیں تو مدینہ بھی دکھا دے

یا رب میری سوئی ہوئی تقدیر جگا دے

مُنہ حشر میں مُجھ کو نہ چھپانا پڑے یا رب

مُجھ کو تیرے محبوب کی چادر میں چُھپا دے

آنکھیں مُجھے دی ہیں تو مدینہ بھی دکھا دے

یا رب میری سوئی ہوئی تقدیر جگا دے

عشرتؔ کو بھی اب خوشبوئے حسان عطا کر

جو لفظ کہے ہیں اُنہیں تو نعت بنا دے

آنکھیں مُجھے دی ہیں تو مدینہ بھی دکھا دے

یا رب میری سوئی ہوئی تقدیر جگا دے

Comments
Loading...