Owais Razvi Qadri Siddiqui
Sufi Singer

Mustafa jaane rehmat peh lakho salaam – مصطفی جانِ رحمت پہ لاکھوں سلام

0 285
مصطفی جانِ رحمت پہ لاکھوں سلام
شمعِ بزمِ ہدایت پہ لاکھوں سلام

مِہرِ چرخِ نبوت پہ روشن دُرود
گلِ باغِ رسالت پہ لاکھوں سلام
شبِ اسرا کے دولہا پہ دائم دُرود
نوشۂ بزمِ جنّت پہ لاکھوں سلام
عرش کی زیب و زینت پہ عرشی دُرود
فرش کی طیب و نُزہت پہ لاکھوں سلام
نورِ عینِ لطافت پہ اَلطف دُرود
زیب و زینِ نظافت پہ لاکھوں سلام
نقطۂ سِرِّ وحدت پہ یکتا دُرود
مرکزِ دورِ کثرت پہ لاکھوں سلام
فتحِ بابِ نبوت پہ بے حد دُرود
ختمِ دورِ رسالت پہ لاکھوں سلام
شرقِ انوارِ قدرت پہ نوری دُرود
فتقِ اَزہارِ قدرت پہ لاکھوں سلام

سِرِّ غیبِ ہدایت پہ غیبی دُرود
عطر جیبِ نہایت پہ لاکھوں سلام
ماہِ لاہوتِ خَلوت پہ لاکھوں دُرود
شاہِ ناسوتِ جَلوت پہ لاکھوں سلام
کنزِ ہر بے کس و بے نوا پر دُرود
حرزِ ہر رفتہ طاقت پہ لاکھوں سلام
پرتوِ اسمِ ذاتِ اَحد پر دُرود
نُسخۂ جامعیت پہ لاکھوں سلام
مطلعِ ہر سعادت پہ اسعد دُرود
مقطعِ ہر سیادت پہ لاکھوں سلام
مجھ سے بے کس کی دولت پہ لاکھوں دُرود
مجھ سے بے بس کی قوت پہ لاکھوں سلام
کثرتِ بُعدِ قلّت پہ اکثر دُرود
عزتِ بُعدِ ذلّت پہ لاکھوں سلام
ربِّ اعلا کی نعمت پہ اعلا دُرود
حق تعالیٰ کی منّت پہ لاکھوں سلام

ہم غریبوں کے آقا پہ بے حد دُرود
ہم فقیروں کی ثروت پہ لاکھوں سلام
فرحتِ جانِ مومن پہ بے حد دُرود
غیظِ قلبِ ضلالت پہ لاکھوں سلام
اشک باریِ مژگاں پہ برسے دُرود
سلکِ دُرِّ شفاعت پہ لاکھوں سلام
نیچی آنکھوں کی شرم و حیا پر دُرود
اونچی بینی کی رفعت پہ لاکھوں سلام
اُن کے خد کی سُہُولت پہ بے حد دُرود
اُن کے قد کی رشاقت پہ لاکھوں سلام
چاند سے منہ پہ تاباں درخشاں دُرود
نمک آگیں صباحت پہ لاکھوں سلام
اُس کی پیاری فصاحت پہ بے حد دُرود
اُس کی دل کش بلاغت پہ لاکھوں سلام
اُس کی باتوں کی لذّت پہ بے حد دُرود
اُس کے خطبے کی ہیبت پہ لاکھوں سلام

رفعِ ذکرِ جلالت پہ اَرفع دُرود
شرحِ صدرِ صدارت پہ لاکھوں سلام
مہدِ والا کی قسمت پہ صدہا دُرود
بُرجِ ماہِ رسالت پہ لاکھوں سلام
اُٹھتے بوٹوں کی نشوونَما پر دُرود
کھِلتے غنچوں کی نکہت پہ لاکھوں سلام
فضلِ پیدایشی پر ہمیشہ دُرود
کھیلنے سے کراہت پہ لاکھوں سلام
اعتلائے جبلّت پہ عالی دُرود
اعتدالِ طَوِیّت پہ لاکھوں سلام
بے بناوٹ ادا پر ہزاروں دُرود
بے تکلف ملاحت پہ لاکھوں سلام
بھینی بھینی مہک پر مہکتی دُرود
پیاری پیاری نفاست پہ لاکھوں سلام
میٹھی میٹھی عبارت پہ شیریں دُرود
اچھی اچھی اِشارت پہ لاکھوں سلام

سیدھی سیدھی رَوِش پر کروروں دُرود
سادی سادی طبیعَت پہ لاکھوں سلام
لطفِ بیداریِ شب پہ بے حد دُرود
عالمِ خوابِ راحت پہ لاکھوں سلام
خندۂ صبحِ عشرت پہ نُوری دُرود
گِریۂ ابرِ رحمت پہ لاکھوں سلام
نرمیِ خوئے لینت پہ دائم دُرود
گرمیِ شانِ سطوت پہ لاکھوں سلام
الغرض اُن کے ہر موٗ پہ لاکھوں دُرود
اُن کی ہر خُو و خصلت پہ لاکھوں سلام
اُن کے ہر نام و نسبت پہ نامی دُرود
اُن کے ہر وقت و حالت پہ لاکھوں سلام
اُن کے مولا کی اُن پر کروروں دُرود
اُن کے اصحاب و عترت پہ لاکھوں سلام

جلوگیّانِ بیتُ الشَّرَف پر دُرود
پردگیّانِ عفّت پہ لاکھوں سلام
جاں نثارانِ بدر و اُحُد پر دُرود
حق گزارانِ بیعَت پہ لاکھوں سلام
زاہدِ مسجدِ احمدی پر دُرود
دولتِ جیشِ عُسرت پہ لاکھوں سلام
اُن کی بالا شرافت پہ اعلا دُردو
اُن کی والا سیادت پہ لاکھوں سلام
کاملانِ طریقت پہ کامل دُرود
حاملانِ شریعت پہ لاکھوں سلام
مردِ خیلِ طریقت پہ بے حد دُرود
فردِ اہلِ حقیقت پہ لاکھوں سلام
کاش محشر میں جب اُن کی آمد ہو اور
بھیجیں سب اُن کی شوکت پہ لاکھوں سلام
مجھ سے خدمت کے قُدسی کہیں ہاں ! رضاؔ
مصطفی جانِ رحمت پہ لاکھوں سلام

 

Mustafa jaane rehmat peh lakho salaam
Sham-e-bazm-e hidaayat peh lakho salaam

 

Hum ghareebon ke aaqa pe behad Durood
Hum faqeeron ke sarwat peh lakho salaam

Jis ki tasqee se rote huwe has pare
Us Tabassum ki aadat peh lakho salaam

Door o nazdeek ke sunne wale wo kaan
Kaan e laal e karaamat peh lakho salaam

Jis ko baare wo aalam ki parwa nahin
Aise baazon ki kuwat peh lakho salaam

Ghaus-e-azam immaamat tuqa wan nuqa
Jalwa e shaan e qudrat peh lakho salaam

Hind ke baadshah deen kai wo moin
Khaawja e dinno millat peh lakho salaam

ek mera hi rehmat mai daawah nahin
Shah ki sari ummat peh lakho salaam

Kaash mehshar mai jab un ki aamad ho aur
Behje sab un ki shauqat peh lakho salaam

Mujhse kidmat ke kudsi kahe ha raza
Mustafa jaan e rehmat peh lakho salaam

Daal di qalba mai azmate Mustafa
Sayyadi Ala Hazrat peh lakho salaam

Comments
Loading...